أحلام جريح

أحلام جريح
شعر / محمد السيد

إنسى جناحك يا طير
رفرف بأحلامك
بس اوعي تنسي يا طير
وتعيش في أوهامك
ده اللي كسرلك جناح
ساب لك أمل ينبض
واللي يداوي الجراح
يضحك على حالك

بين الحقيقة والسراب دمعة
بين المدينة والخراب جامعة
بين السما والأرض حرف الواو
بس الطيور بتموت ومش سامعة

يا طير لا تعوم وانت حزين
حدد طريقك والطريقة ومين
شوف اللي همك واللي مش همك
واللي كسرلك جناحك وانت لسه جنين