Admin Admin
المساهمات : 25 تاريخ التسجيل : 29/04/2011
| موضوع: ترنيمة غريب / شعر محمد السيد الأحد مايو 08, 2011 1:32 am | |
| ترنيمة غريب شعر / محمد السيد
آنا جيت لك يا مدينة يا اللي طول عمرك حزينة جاي بفرحة وصدتيني جاي باني وهدتيني نستيني ...حتى اسمك ... حتى رسمك ... حتى حبك
*************
ليه في عز الفرحة يا أمه بنفتكر كل اللي مات ليه نعيد الذكريات ليه نقول نقول إن الفرح ميت في أحضان اللي مات ؟
*************
أنا عاصي لأني هويت هوا غيرك أنا قاسي لإني قسيت وأنا طيرك أنا ناسي للإني نسيت سنين خيرك لكن يا أمي سامحيني أبوس تبرك تضميني لو بكرهك نستيني إني أحبك فكريني ... مدي إيدك إنشليني أنا مشتاق ... لملميني ... أنا أجزاء ما بين أشلائي والأشلاء قطع شكك يقيني .. كسر ظهري حنيني
*************
أنا منك وأنا مش عار وأنا اللي معاكس التيار هويتك بس بعتيني عشقتك وانت خنتيني نسيتك لحظة لمتيني قتلتيني دبحتيني ... على جبيني حفرتي الإسم وف قلبي داريت الرسم فضحني لساني .. عاش أملي على جبيني
*************
أنا عاصي .. لكن لو عاصي ربيني قتلني البرد غطيني عصرني الشوق ضميني خديني ف حضنك الدافي ولو ميت ترابك سر تكويني
*************
على قد وجع الجذور الأرض بتعاني على قد حاجتي أنا العزة واخداني على قد عيشتي هناك روحي في كون تاني ....
*************
أنا عشت كل البشر وما هزنيش قدك أنا شفت كل القدود ولا شفت غير قدك يا أمي مين قدك ده أنا قبلتي ودك ودمايا من مدك بين صدك وردك ... عاشت أمانينا .. مين زينا فينا يا أمي أنا منك وإزاي بعيد عنك عايش هناك لكن روحي على خدرك الشمس سجدت للإله دهرين على خدك والنجم خايف يقع ماسك في توب مجدك
*************
سبتك وأنا منزوع كنزع الروح م العاصي عرفت الداني والقاصي .... عرفتك عرفت بإن أنا منك ... عرفتك عرفت بإن أنا إبنك ... عرفتك بس خايف تنكريني بس خايف تمنعيني ... ارحميني نفسي أحس ف ليلة واحدة إني منك .... إني ابنك ... فاكرة يا أمه .. لما بأجري وانكفي لما كانت غنوتي فرح السقوط أحلى شيء في الكون يا أمي لما تتلاقى الجباه .. رغم بقع الدم وجهك حلو .. يا أمي
*************
ويا أمي ... قتلني البرد ... غطيني عصرني الشوق .. ضميني خديني ف حضنك الدافي ولو ميت ترابك سر تكويني .
************ كتبت في ليبيا / زليتن / 2000 أدعو الله أن يخفف آلام الشعب الليبي ************ | |
|